Førde IL-Orientering inviterer til det tradisjonsrike Romjulsløpet. Arena vert ved Ulvedalane. Merka avkøyring mot Holsen i krysset på Moskog.

Premie til løypevinner D/H i alle løypene. Det vert pepperkaker og gløgg og saft. Bålpanna blir tent, så det er mogleg å grille ei pølse om nokon har med seg det.

Fin moglegheit for eit siste o-løp i 2024, så hiv dåkke rundt og meld på så snart de kan. Dette hjelper arrangør å planlegge arrangementet innimellom julefeiringa.

Link til Eventor og påmelding HER.

Invitasjonen finn de HER.

Tambarskjelvar inviterer til KM natt og Haustbløyta.

NB! KM natt er flytta til onsdag 25 september grunna lite påmeldte.

Link til info og påmelding for KM - natt finn du HER.

Link til info og påmelding for Haustbløyta finn du HER.

Ordinær påmeldingsfrist er torsdag 19/9 for Haustbløyta og tirsdag 24/9 for KM natt.

Årets Hovedløp (HL) og O-landsleir (OLL) blei arrangert av Fredrikstad O-klubb 3. - 7. august. S&Fj stilte med tre deltakarar, Olina Svarstad Heggdal (D15) frå Markane IL, Gaute Osvoll (H15) og Sjur Skilbrei (H14) frå Førde IL. Anne Marie Svarstad stilte også i år som lagleiar. Grunna økning på 50% med deltakarar frå 2 i 2023 til 3 i 2024 vart S&Fj krinsen med størst auke, og fekk premie for dette.  Målet til neste år er å auke tilsvarande 😊. Veldig kjekt at ungdomane hadde lyst å delta på dette, og det brukar å friste til gjenntaking.

Anne Marie har skreve nokre ord om løpa og samlinga, samt tatt bilder.

Program

Laurdag 3.august: Hovudløpet langdistanse

Søndag 4.august: Hovudløpet, sprint

Måndag 5.august: Aktivitetsdag, TOC

Tysdag 6.august: Treningsdag og Mor-O-løpet

Onsdag 7.august: Krinsstafetten

Samarbeid

Sogn og Fjordane delte i år rom med Møre og Romsdal, Troms og Agder og det var eit godt og kjekt samarbeid oss fire krinsane mellom. Christer Jensen frå Emblem (Møre og Romsdal) hadde, som i fjor, førebudd seg godt til HL og delte sin kunnskap med oss andre. Det sette vi stor pris på. 

Det var berre Agder som hadde nok løparar til eit stafettlag. Sidan det var fire jenter og åtte gutar på rommet laga vi eit reint jentelag og to gutelag. Jentelaget som kledde seg ut som Hvaler på Hvaler fekk 2.plass i kostymekonkurransen!

O-landsleir:

Måndag:

Aktivitetsdag: Eit nytt aktivitetskonsept, TOC, vart testa ut. 

Tysdag:

Langtur, Moment-O, MorO-løpet og bading stod på programmet.

Resultat

Langdistanse: 

Sjur: 46 

Gaute: 55

Olina: 16 (premie)

 Sprint:

Sjur: 51

Gaute: 63

Olina: 21

Sogn og Fjordane Orienteringskrins inviterer til felles overnatting under O-Festivalen på Lillehammer/Sjusjøen 21-23. juni

SFOK har reservert ei hytte med 20 sengeplassar, stort og flott fellesområde og stove.

Oppfordrar spesielt ungdommen til å være med, og de som skal på HL/OLL, da dette er ein flott måte å prøve seg på litt anna terreng enn kva de er kjent med. Treng de skyss, så sjekk kven som har meldt på, så ordner det seg nok.

Det er og mogleg å stå med bubil/campingvog på plassen.

Link til meir info om hytta HER

Påmelding på Eventor innan 14. juni med link HER

Påmelding til løpa fin de på Eventor

Skund dykk å melde på, dette kan ein ikkje gå glipp av 😊

Markane IL og IL Veten inviterer til KM-helg 15. - 16. juni.

Laurdag er det KM mellom med arena på Kvia ved Stryn Skisenter. Påmelding og invitasjon finn de HER.

Arrangør er Markane IL.

Søndag er det KM lang med arena på Leite, merka avkøyring frå Panoramavegen. Påmelding og invitasjon finn de HER.

Arrangør er IL Veten.

Det vert og O-trolleir og Ungdomssamling med innkvartering ved Nordfjord Fritidssenter etter løpet på laurdag.

Trykk på lenkene for påmelding og meir informasjon.