Så lenge eg har deltatt på KM løp i Sogn og Fjordane, kan eg ikkje huske så stort deltakartal som KM-helga Markane IL og IL Veten heldt 15 og 16 juni. 76 deltakarar på KM mellom arrangert av Markane IL og 100 deltakarar på KM lang arrangert av IL Veten. Derfor teksten "Rekordstor deltaking" i overskrifta med spørsmålsteikn bak. 

Kjekt å sjå at det var så mange i nybegynnar løypene. De gir eit håp om ny rekrutering i Nordfjord.

Det var og O-trolleir og ungdomssamling frå laurdag til søndag på Nordfjord Fritidssenter, der deltakarane fekk prøve seg på ulike leikar og o-teknisk trening. Nokre var til og med å aka i hoppbakken. Latter, skrik og skrål kunne høyrast lang veg, så at borna og ungdomen hadde det kjekt var det liten tvil om.

Stor applaus til alle frå Markane IL og IL Veten som har jobba på for løp, leir og samling.

Reportasje i Fjordingen om KM-helga finn de her: Markane-Veten avisutklipp.jpg

Resultat frå KM mellom finn de HER.

Resultat frå KM lang finn de HER.

Sogn og Fjordane Orienteringskrins inviterer til felles overnatting under O-Festivalen på Lillehammer/Sjusjøen 21-23. juni

SFOK har reservert ei hytte med 20 sengeplassar, stort og flott fellesområde og stove.

Oppfordrar spesielt ungdommen til å være med, og de som skal på HL/OLL, da dette er ein flott måte å prøve seg på litt anna terreng enn kva de er kjent med. Treng de skyss, så sjekk kven som har meldt på, så ordner det seg nok.

Det er og mogleg å stå med bubil/campingvog på plassen.

Link til meir info om hytta HER

Påmelding på Eventor innan 14. juni med link HER

Påmelding til løpa fin de på Eventor

Skund dykk å melde på, dette kan ein ikkje gå glipp av 😊